Cad é an Bunachar Téarmaí don tSeirbhís Phoiblí?
De réir fhorálacha Acht na dTeangacha Oifigiúla 2003 beidh dualgas ar chomhlachtaí poiblí a chinntiú go n-úsáidtear Gaeilge amháin, nó an Ghaeilge agus an Béarla le chéile, ar fhógraí, ar stáiseanóireacht agus ar chomharthaíocht. Sa bhunachar téarmaí seo tá rogha leathan de théarmaí bunúsacha a bheidh ina chabhair do chomhlachtaí poiblí agus an dualgas sin á chomhlíonadh acu. Tá sé an-simplí: is féidir an bunachar a chuardach de réir teanga, de réir catagóire (go haibítreach), nó is féidir an bunachar sonraí iomlán a chuardach do théarma faoi leith leis an inneall cuardaigh. Tá na téarmaí ar fáil i bhfoirm liostaí aicmithe a bhaineann le réimsí éagsúla den tseirbhís phoiblí agus beidh tuilleadh réimsí agus téarmaí á gcur leis an mbunachar de réir a chéile. Nuair ba léir go bhfuil níos mó ná leagan amháin sa rith go coitianta, tugadh na leaganacha éagsúla sin.